31 ene 2012

Ún de la hestoria activa del FC Sankt Pauli se va

Ralph Gunesch, dexá'l Fc Sankt Pauli, pa dir pal FC Ingolstadt. 

El defensa que lleva dende'l 2003 nel FC Sankt Pauli (na 06/07 tuvo nel Mainz), siendo ún d'esos grandes xugadores que tan nos bonos, y sobromanera nos malos momentos deportivos, dexá'l club en parte pola recuperación de Sobiech y Zambrano, y diben facer que'l rumanu-alemán nun fuera vezu nes alineaciones.

30 ene 2012

DVD "Das ganze stadion"

Enllázovos cola noticia de FORA DE JOC-FC ST PAULI enonde desplicase que ye esti DVD sobro les graes de Sankt Pauli y la manera d'algamar un exemplar.

28 ene 2012

Nuevu patrocinador del FC St Pauli

La compañía china de fueos artificiales Panda Feuerwerk -la mayor esportadora del mundu-, de la man de la so filial alemana va ser patrocinador del FC St Pauli fasta'l branu del 2015, sigún cuntaren na páxina web oficial. 

26 ene 2012

El 28 de xineru, bonos recuerdos (Fc St Pauli - Grasshopper Club Zürich)

Esti sábadu 28 de xineru, de magar les 15 hores va xugase en Millerntor, el caberu partíu de la "pertemporada ivernal" pal Sankt Pauli, escontra los suizos del Grasshopper. Les entraes que van valir 6.02€ van dir pala iniciativa "Fanräume", que dedícase a la recoyida de fondos pa les instalaciones d'autoixestión de Millerntor.
Pero equí nun queda la cosa. Dellos tendrán más coses nes que tar atentops, o poles que sentir respigos. Y ye que'l entrenador del club rival nun ye un cualisquier -tampoco un dios-, ye Ciriaco Sforza, un de los componentes del gran partíu, aquel....  "Weltpokalsiegerbesieger" (Campeones de la copa'l mundu). Yera xugador del Bayern de Munich n'aquel 6 de febreru de 2002, que por cierto cumplirase'l so decimu aniversariu la selmana siguiente.

Especulaciones sobro la salida del "capi" en branu

Anque nun debieramos de fianos muncho de les especualciones de los medios, son varies les noticies que mos lleguen dende Alemaña sobro esti fechu.
Va unes selmanes, el nuesu capitán Fabio Morena reconocia que taba caru'l puestu nel centru la defensa, coles recuperaciones de Sobiech y Zambrano, y que la llegada yá anunciada de Mohr, puen facer qu'esta seya la so cabera temporada nel FC St Pauli.
El xugador de 31 años, que lleva 227 partíos col club, dende la so llegada del Alicante CF nel añu 2003, si anunciare qu'entá tien cuerda y quier siguir xugando a nivel profesional.
Pa too ello, vamos esperar a final de temporada ensin andar especulando más.

FC Sankt Pauli tamién tará nel centenariu del SV Sparta y Buxtehuder SV

Va unos díes espublizemos que'l equipu de barriu diba tar presente nel centenariu'l Teutonia Uelzen, y paez que convidar al club a los centenarios ta de moda, porque'l SV Sparta -Berlín- y el Buxtehuder SV tamién conviden al club pa cellebrar con un partíu. El primeru pal so centenariu que va cellebrase'l 8 xunetu, y el segundu pa cellebrar los sos 150 años de furrulamientu el día 11 de mayu.



Fonte: Neue OZ y Ablendbatt

25 ene 2012

Adéu Oliva. (Resume del tiempu n'Oliva)

Tres ocho díes na ciudá d'Oliva, el FC Sankt Pauli punxo ayeri rumbu al so llar.

Partíos. Dos foron los partíos qu'apostaron en tierres valencianes. El primeru ganando namá que por 2-1 al Gandía CF de Tercera española. El segundu empatando col campeón de la lliga polaca, Wisla Krakow (2-2).

Lesiones. Sobiech recayó con una lesión nos lligamentos, a pesar de tar acabante recuperase d'un bon tiempu lesionáu. Zambrano tornó a entrenase col grupu en perfectes condiciones.

Sensaciones. Schubert declaró que Sliskovic dió un gran pasu nel so xuegu.

Afición. Dellxs aficionaxs del estáu averaronse pa sofitar l'alcuentru de los paulís en tierres cálides, y foron bienllegaxs polos xugadores.

Curiosidaes. L'equipu venía a la gueta'l bon tiempu climáticu, pero topose nes primeres hores nel Estáu español con una forte diluviada. Así too, el sol llegó. Ensin da-y más importancia hebo un pequeñu desencuentru ente Schubert y Naki nun entrenamientu, too quedó en na.


Semeya: Selim Sudheimer

24 ene 2012

Takyi nun participó (Ghana 1 - 0 Botsuana)

El xugador FC Sankt Pauli nun cuntó pal entrenador na victoria de Ghana (1-0) con Botsuana. J.Mensah foi'l protagonista'l partíu metiendo gol nel minutu 25 nun saque d'esquina, y siendo espulsáu nel 65 por baltar a un rival que diba solu pa la portería. Tres esti socesu, el entrenador ghanés prefirió sacar al campu xugadores del calter defensivu.

El prósimu partíu de Ghana va ser el sábadu 28 escontra Mali.
Alineación de Ghana, güei

Copa América Alternativa 2012

Por suerte, les alternatives culturales y sociales ca vegada son más en too'l mundu, un casu d'ello y yá que falaremos del Club Enesto Che Guevara va unos díes, podemos falar darréu de la Copa América Alternativa 2012.

Nun tienen na que envidiar. Hai una sede compartida poles ciudaes de Jesús Maria y Colonia Caroya (Córdoba - Arxentina). Habrá sección de futbol masculín, femenín y mixto. Nun habrá árbitros, sinon que'l so oficiu dirá camudando ente xugadorxs de los equipos. Nun hai eliminación d'equipos. 

¿Y equipos?. De too'l globu: El Brasil, Inglaterra, L'Arxentina, Tanzania, Francia, Colombia, Alemaña, Lituania, Bélxica, Chile y Bolivia.

Pero nun queda ehí la cosa, habrá charres, música, alderiques... los díes 27, 28 y 29 d'esti mes de xineru.


Fontes: Hinchas Antifascistas y Fútbol Rebelde

El rap de Naki.

Equí vos dexo un videu del kurdu Deniz Naki -o col so nome artísticu Nakilla62-.


Fonte: Guillermo Irantzo

23 ene 2012

El FC Sankt Pauli va ser l'invitáu pal centenariu del Teutonia Uelzen

El 18 de mayu, dos selmanes dempués de finar la Bundesliga 2 -y esperemos de cellebrar l'ascensu a la Bundelsiga- el FC Sankt Pauli va xugar un partíu escontra'l Teutonia Uelzen pa cellebrar el centenariu del equipu de la Landesliga Lüneburg, qu'equival a una categoría rexonal nel estáu español.

La fecha quedó zarrada esta mesma selmana, como dixeremos el 18 de mayu, a les 18.30 hores.


Videu resume del Wisla krakow 2-2 FC St Pauli

22 ene 2012

Xugadores comprometíos: Margarita Döller, Lucia Döller, Irene Müller

Situémonos cuatro años p'atrás n'Austria. FC Hellas Kagran -equipu austríacu de Viena- cunta amás de col equipo masculín, con un equipu femenín de cierta reconocencia. Martin Graf ye un políticu de la extrema derecha. Fasta equí to nidio.

Les tres moces con un cartelu antiracista tres la so espulsión

La hestoria del reconocimientu d'estes tres muyeres que darréu vos presentamos entama nel momentu que Graf opta a ser presidente del clu Hellas Kagran. Margarita Döller, Lucía Döller ya Irene Müller son n'esi momentu xugadores del equipu femenín del Hellas, y cuando s'enteren de que Graf pue ser el mandatariu del club echense a la cai a manifestase -lo mesmo que munchos aficionaxs- escontra de la entrada d'una élite neonazi nel club.

Ello conlleva a que cuando Graf faese col puestu, les tres xugadores seyan sancionaes y expulsaes pa xugar nel equipu pol so calter antifacista.

Amás tres la llegada de Graf caltuvose ciertos conceyos onde'l mandatariu propunxo que desapaeciera'l equipu femenín con acusaciones sexistes pa con elli.

Tres d'ello estes tres xugadores entamaren una campaña escontra'l presidente, pa que colase del club.

PD: Polo que pudi atopar na rede nun lo algamaron, nin elles tornaro na xugar nel club, nin Graf dexó de ser el presidente.

Sankt Pauli 2 - 2 Wisla Crackovia

Segundu partíu en tierres valencianes. Estaba vegada escontra'l Wisla Krakow polacu, actual campeón de la lliga del país centroeuropeu. 

El partíu qu'entama a les 15 hores, finó col marcador de 2 a 2, depués de que Naki adelantara al FC St Pauli con un gol de falta, y que Brud empatara na mesma primera parte. 

Na segunda parte tornó a adelantase'l equipu alemán con un gol de Sliskovic, pero yá nel tiempu de descuentu, Jovanovic punxo'l empate nel marcador final.

Dalgunxs seguidorxs paulís del estáu averáronse al campu n'Oliva pa sofitar al equipu, pudiendo algamar semeyes colos xugadores asina como dalguna prenda d'entrenamientu que-yos dieron los propios xugadores.



Fonte: Anselmo Rivodigo

21 ene 2012

Equipos comprometíos: l'accionariáu popular

¿Qué ye l'accionariáu popular?

L'accionariáu popular ye la puesta en marcha d'una nueva forma de pescanciar el fútbol.

L'accionariáu popular básase na Public Company inglesa y l´azionariato popolare italianu.

La Public Company naciera nel 2005 de la mano d'unos aficionaos del Manchester United.

Milenta aficionaos nun aceptaron qu'unos empresarios americanos se ficieran cola propiedá del so equipu y decidieron fundar el so equipu propiu. Cinco años dempués xubieron cuatro categoríes y tán a piques de construyir el so propiu estadiu con más de 4.000 accionistes.

Esto nun tendría enforma valor si nun fora pola filosofía cola que dotaron al nuevu equipu.

Los Rede Rebels, como se-yos conoz cariñosamente a estos aficionaos, fundaron el Football Club United of Manchester. Lo especial d'esti equipu mora nel papel del aficionáu, que paso de ser un simple abonáu del Manchester a formar parte de la propiedá, la xestión y el gobiernu del Club, evitando con esto que nun futuru otru empresariu pudiera mercar l'esfuerzu y la hestoria del so equipu, pa remanalo al so antoxu y vendelo o arruinalo como en dellos casos.

Hinches en Croacia.

Les característiques qu'hai que destacar de l'acción popular son ente otres:


  • El club ye un muerganismu ensin fines d'arriquecimientu, tolos beneficios son pa la meyora del equipu y va lluchase escontra los intermediarios y los intereses personales.
  • Namá puede mercase una acción por persona, y esa acción da derechu a un votu. Poro, les decisiones adoptaes polos miembros van decidir en base a un votu per tiesta.
  • Otramiente, l'acción fai participe al accionista de la propiedá del Club, y da derechu a participar na xestión y gobiernu del Club.


Poro, l'aficionáu que nun tenga la intención d'entemetese bien fondamente siempres va poder pidir que se rindan cuentes de too lo que ta pasando nel Club, con una idea prioritaria, les cuentes clares y que naide sía engañáu.

L'acción popular desenvuelve fuertes venceyos cola comunidá local y esfórciase por ser accesible a toos ensin discriminar a nenguna empresa por pequeña que sía, el pequeñu empresariu ye bienveníu nel accionariado popular y ye pieza clave. Nun podemos depender puramente del patrociniu del gran empresariu.

La Xunta va esforciase siempres que sía posible pa evitar el mercantilismu absolutu, esto ye, el nuesu equipu nun ye un negociu y nun se viende la so imaxe nin filosofía por dineru.

L'acción popular va esforciase por que los precios d'almisión sían lo más algamadizu posible, dando facilidaes a la hora pagar.

La cantera ye una de les bases de l'acción popular.

Dellos casos d'equipos dirixios polos propios aficionaxs nel mundu son:
AFC Liverpool, AFC Wimbledon (Londres), Spartak Varna (Bulgaria) o'l Ciudad de Murcia.

Campu'l UC Ceares (Asturies)

Fonte: Esti ye un testu calcáu y traducíu de la páxina del CAP Ciudad de Murcia. 

PD: Prestaríanos facer un llistáu colos clubes del mundu (sobromanera los del estáu español) que siguen el movimientu.

20 ene 2012

III eventu de la xente'l Sankt Pauli nel Día Internacional de recuerdu del Holocausto.

El día 27 d'esti mes, como vien siendo vezu nos dos caberos años, nel Fanladen va facese un eventu en recuerdu del Holocausto nazi. Esta vegada el tema principal va ser la persecución a los homosexuales.

L'hestoriador Moritz Terfloth, fadrá una primer intervención sobro la persecución del movimientu nazi haza los homosexuales. Depués, sedrá'l turnu de Dirk Brüllau, quién falará de la discriminación homófobo nel fútbol en xeneral, y no qu'alrodía al Sankt Pauli en xeneral.

Habrá turnu d'entrugues y alderique, siguío d'una ofrenda floral nel momentu a les victimes del nazismu con un minutu silenciu. Pa finar, un alcuentru social con bébora.

Fonte: stpauli.nu

Lxs compañerxs de Sankt Pauli Taldea a la gueta d'un bon llogu.

La xente del Fanclub Sankt pauli Taldea entama un concursu pa facese con un llogu pa la peña.

"Con el objetivo de crear un logo para el fanclub abrimos el siguiente concurso. La idea es crear un logo con el que elaborar una serie de camisetas, y posiblemente más merchandising en un futuro, con el objetivo de financiar el fanclub: página web, pago de cuota anual…agradeceremos cualquier difusión que se haga del concurso, con el objetivo de llegar a cuantas más personas mejor.


Las bases son sencillas:

1. La participación esta abierta, tanto a futuros miembros del fanclub, como a aquellos que deseen echar una mano.
2. El diseño debe estar, obviamente, relacionado con el Sankt Pauli. La calavera, el escudo… aunque, y esto es opinión personal, la calavera refleja mejor el espíritu de la afición.
3. Los diseños serán publicados en el blog/web y votados en la asamblea del fanclub.
4. El ganador, además de tener el “honor” de haber diseñado el logotipo del fanclub, recibirá una camiseta de forma gratuita.
5. Los diseños deben ser enviados al correo oficial del fanclub: stpaulitaldea@gmail.com como fecha límite aproximada, antes del mes de marzo.

Muchas gracias y suerte
También en los próximos días daremos información acerca de la oficialidad y como pasar a formar parte del fanclub."

Pa más información www.stpaulitaldea.wordpress.com

19 ene 2012

Gandia CF 1 -2 FC Sankt Pauli

Nel segundu partíu de la temporada ivernal -el primeru en tierres del estáu español- el FC Sankt Pauli algamó la victoria por dos goles a ún, ente'l equipu de la tercera valenciana Gandía CF, anque marcaren primero ellos. Los goles esta vegada foron de Saglic y Sliskovic.

Anque yá saliera'l sol n'Oliva, hai una mala noticia, y ye que Sobiech tonró a lesionase, anque n'esta ocasión paez nun ser mui grave.

Imaxen: Selim Sudherimer

Solidaridá pa col collaciu Berto, pola llibertá d'espresión.

El nuesu compañeru -miembru de la nuesa peña- foi condergáu ayeri a un añu de cárcele.

Bertu ta condergáu por facer usu de la so llibertá d'espresión nuna conversación privada na rede social Tuenti.


Calco la noticia d'Infoasturies.com:

El mozu independentista asturianu A.O.R, acusáu d'enaltecimientu del terrorismu y humildación a les víctimes foi condergáu pola "Audiencia Nacional" española a un añu de cárcel, tres consideralu autor de los comentarios nuna rede social polos que foi incrimináu y, polo tanto, culpable de los delitos propuestos pol tribunal d'esceición.
Tres un procesu carauterizáu pol secuestru sistemáticu d'esti ciudadanu asturianu pa facelu "declarar" y rexistrar el so llar, nel que foi treslladáu de mena forciada a Madrí  y posteriormente acusáu, finalmente foi xulgáu nel pasáu mes d'Avientu y vistu pa sentencia. 
Asina, dende l'AN consideren que "los comentarios amosaos enaltecen el terrorismu y afalaguen a los asesinos de dos guardies civiles" -en referencia a miembros de la organización armada ETA- , anque consideren que los sos mensaxes tuvieren "difusión llimitada", polo qu'imponen al ciudadanu asturianu "la pena mínima" nesti nuevu casu de represión del estáu por mor d'una opinión.

17 ene 2012

El FC ST Pauli traxó'l mal tiempu dende Alemaña a Oliva

Como vinieran a la gueta'l sol de la Costa Blanca, los xugadores y cuerpu técnicu del Fc St Pauli quedaron perplexos al ver n'alborada como orbayaba y facía un vientu nada prestosu pal trabayu nel campu. Asina que tres esperar pol cielu estenu, que nun llegare, los xugadores salieron a facer exercicios físicos pola playa.

"Paco l'Ultra" de Galiana Xoven en El Día Después

Los ultres del Avilés -y del Sporting-, Galiana Xoven, perconocíos facistes del mundu ultra n'Asturies, muestren la so intelixencia -celebru bien mentao pol comentarista- nel famosu programa de Canal Plus, El Día Después.

(Clicar na barra/llínia p'abrir el videu)




15 ene 2012

Xugadores comprometíos: Paul Breitner

Cuando falamos de Paul Breitner, ye probable que tengamos la necesidá d'acompangar unes comilles no de comprometíos, o si tornámonos entá más radicales, unos símbolos d'interrogación.

Paul foi un futbolista alemán ñacíu nel 51. Pillándolu dafechu la revolución de mayo del 68, almirador d'Ho Chi Minh o'l Che, Paul convirtióse nel "Roten Kaiser" (Kaiser colloráu) col so peináu afro.


Xugando nel Bayern de Munich, y con namai que 22 años algamó ser campeón del Mundo con la seleición de la república Federal d'Alemaña -cola que tuvo los sos más y menos, refugando d'ella en delles ocasiones-.

Fichó pol Real Madrid xunto con unu de los collacios na seleición, Gunter Netzer, xugando 4 temporaes,y escribiendo ún de los bonos episodios de la so carrera, cuando donó mediu millón de pesetes del so sueldu pa unos trabayaorxs en fuelga de la empresa Standard. Depués d'ello y d'otros conflictos menores, la directiva'l club madrilanu echolu por ser "conflictivu". 

Tornó a Alemania, y tres un añu nel Eintracht Braunsweigg, fichó otra vuelta pol Bayern dónde xugaría fasta que se reitrare nel 83 por una lesión.


Col pasu'l tiempu, Paul foi presidente'l Bayern, oxeador, comentarista, columnista... incluso entrenador de la seleición por unes hores -los alemanes conservadores nun dexaron que lo fuere-, ensin embargu col pasu de los años, la so posición, anque recuerde la d'aquel "melenudu alloriáu", tornose más un capo de la mafia, bien traxéau, con una vida "de luxe" -incluso llego a dicise que les sos griesques pa cola seleición venien por temes de repartos de perres ente xugadores y fedración-, polo qu'hai muncha xente que nun fina de pescanciar si Breitner foi de verdá un futbolista comprometíu, o un fallu del sistema.

Fontes: Prensa Rural (Colombia), Fútbol y pasiones políticas, Cuero & Cesped. 

Sankt Pauli 1 - 2 Hoffenheim. El retornu'l rei.

Güei yera en parte festivu nel barriu. Primer partíu n'estes vacaciones d'iviernu, y l'equipu rival vieno de la man de Trulsen y Stani. Más de 13.000 presones averáronse a Millerntor pa ufrí-y una bienvenía afayaiza a los héroes.
                                                            Stani y Schubert falando 

En cuantes al partíu, l'equipu de la Bundesliga 1 adelantose nel minutu 36 con gol de Salihovic. Empatare Kevin Schindler enantes del descansu, pero yá finando'l partíu, allá pol minutu 86, l'internacional holandés Ryan Babel fizó'l segundu pal Hoffenheim.

"Siempres ye agradable tar en Millerntor", dixo Stani cuando sonó'l xiblíu final.

Alineación FC St Pauli: Pliquett – Volz (46. Gunesch), Thorandt (55. Rothenbach), Zambrano (46. Morena), Kalla (46. Schachten) – Boll (46. Daube), Bruns (46. Funk) – Naki (46. Bartels), Kruse (71. Filipović), Schindler (46. Saglik) – Ebbers (46. Slišković).

Remembrar que Zambrano tornó a xugar un partíu col primer equipu 11 meses dempués de la so lesión grave.
Pola parte'l Sankt Pauli, mañana llunes ponse destín a Oliva.
Saludu a la grada de Stani

14 ene 2012

Equipos comprometíos: Club Atlético, Social y Deportivo Ernesto "Che" Guevara

Ún de los más entrañables amigos del “Che” rellató nuna oportunidá una anécdota que pinta l'actitú deportiva y ante la vida que tenia Guevara. Alberto Granados, quien yera entrenador de rugby nel club Estudiantes de Córdoba recordó l'exame d'ingresu al equipu del club: “Mirá, Pelado – asina-y dicíen na mocedá al Che -, equí l'exame d'ingresu consiste en saltar penriba d'un palu y cayer col costazu. Los que vienen al rugby pa faer pinta nun s'animen. Los que quieren xugar pasen la preba. Agora tócate a ti. Si nun-y digo basta, inda se ta tirando”.
Guevara (esquierda) nel club de rugby

Nel so pasu pol futbol Ernesto yera cuasi siempres porteru, por cuenta de la so condición d'asmáticu. Y nun alcuentru en La Paz, Bolivia a cuasi 4mil mts d'altor., recuerda'l so amigu Carlos Ferrer que Guevara nun tuvo inconvenientes pa realizar el so rol de porteru magar la so enfermedá, demientres Ferrer llamentaba nun faer casu de los encamientos del cuasi médicu Guevara.

Solo bastaba poner una llende o complexidá aparentemente infranquiable por que'l “Che” punxérase nuna decidía carrera pa superar y tresformar esa realidá.

Na nuesa provincia de Córdoba, daquella que tanto recordara'l “Che” yá que foi'l so trubiecu de formación na infancia y adolescencia, más precisamente en Jesús María, dende l'añu 2006 un grupu de presones fondamente humanes a la que nun-yos ye indiferente'l sofrir del nuesu pueblu dieron el güelpe inicial nel entamu del Club Atlético, Social y Deportivo Ernesto “Che” Guevara. “Integrar al traviés del fútbol, a neños y mozos de tolos estratos sociales, pa fomentar la so formación integral como presones” dícennos dende'l Club nuna entrevista concedida a Indymedia Córdoba y sorrayen ente les sos mas nobles xeres la de: “Promover un modelu de pensamientu basáu nos valores del Che a partir del llinguaxe universal del fútbol, deporte d'enorme fuerza convocante”.

Camiseta del CASD Ernesto Che Guevara


Nun ye fácil entamar esta xera nuna sociedá onde'l deporte futbol ye sinónimu de perres, fortuna, fama y poder. Entamar esta xera nestos tiempos ye quiciabes una chifladura, daquelles que-y prestaben al “Che”.

Pal Che tolos díes teníemos de "lluchar por qu'esi amor a la humanidá viviente tresformese en fechos concretos, n'actos que sirvan d'exemplu, de movilización”.

Reafitando esta visión dende'l Club, la so presidenta Mónica Nielsen destaca ”…ye un homenaxe al Che dende l'acción, con un trabayu social dende la gayola de xugar, incorporamos la solidaridá nos mozos y dende esti llugar entamen a conocer…, conocer el pensamientu d'Ernesto Che Guevara en tola sos estayes dende l'exemplu de la conducción del club, nun falla-yos a los mozos y nun falla-y al Che”.

Consultada sobro los motivos iniciales de la conformación del Club, Nielsen respuende: “Les coses diéronse nel 2006 con Claudio Ibarra, un compañeru de trabayu que tenia un grupu de mozos de distintos clubes y veníen de distintes esperiencies, y dende ende surde'l plantegu de riba y dase: por qué nun sofitar a estos mozos y fundar un club col nome del Che y trabayalo lo que ye'l Che dende daqué tan popular y universal como lo ye'l futbol."
Escudu

¿Pero nuna sociedá mercantilizada como la de nueso. Como ye sostener esti Club con esti perfil?
Sostener dende la solidaridá de la conducción directiva y dalguna ayuda de xente que cree nel proyectu y la camiseta entamaa caminar pel mundu, esta imaxe afigurada nuna camiseta lleva'l conteníu: lleva al Che, a esi Che que dio la so vida per un mundu distintu al que güei vivimos.

Y sostiennos fundamentalmente los convencimientos de llevar a Guevara fasta'l caberu requexu del mundu y el coraxe guevarista que tenemos toos. Estes iniciatives tendríen de ser asonsañaes, contaxoses con muncho amor como dicía'l Che, "el braeru revolucionariu tien de tar dotáu d'una gran dosis d'amor polo colectivo, ensin esa cualidá ye difícil llevar alantre un proyectu."

Nós proponemos que'l deporte ye un drechu humanu y llamentablemente nun se practica, pero nós dende esti humilde llugar tamos llevándolu a cabu, y pa nós, los mozos nun son oxetu de negociu, nun son mercancíes, son rapazos y tienen que vivir esa realidá de rapazos y nun pone-yos un preciu dende un futbol, una cifra millonaria. Nun tamos a favor de los negociaos del futbol, eso nun ye éticu, convertir a los mozos en productos pa sostener negocios de pocos. Eso ye una masuñadura terrible.

Pa los mozos del club “Che” Guevara, pertenecer a esti ye enforma mas qu'un llugar onde xugar y preba d'ello ye l'acción realizada a mediaos d'abril, tal como lo rellata'l periodista Nicolas Luque de Jesús María “….Un grupu de 10 mozos que xueguen nel Club Social, Atléticp y Deportivp Ernesto “Che” Guevara trabayaron duro pa rematar la reconstrucción d'una de les muries llaterales de la ex cancha de Ferro Postal, destruyida demientres la envernada del 18 d'avientu de 2009.
Al finar, diéronse un fuerte abrazu festexando porque a la fin algamaron un llugar onde entrenar y xugar, desafíu que la institución plantegaba dende la so creación.”

Mozos del equipu faciendo la muria


En charra con INDYMEDIA Córdoba la presidenta del Club cavilga sobre'l rol de los mozos y espresa claramente:"… pa los mozos ye bien importante'l llugar qu'atopen nesti club, ponenselu al llombu y nós faémos-yos ver qu'ellos son la esencia y los que sostienen al club, por que vienen y nun se van y los que se fueron quieren tornar, y que nun se -yos dea los pases definitivos, que los pases sían a préstamu siéntanse conteníos nel Che como yá-y lo menta en tou esta rexón. Amás d'equí dende esti espaciu seguru que van salir continuadores, mozos dirixentes, d'eso trátase amás esti suañu“.

Esti ye un testu en castellán rampuñáu al Coletivo Indymedia Córdoba.


Partíos del FC Sankt Pauli nel País Valencià

El 19 de xineru a les 16 hores el FC Sankt Pauli va xugar un partíu escontra'l equipu del CF Gandia n'Oliva. Tres díes dempués nel mesmu llugar xugarase un partíu escontra'l cameón de la lliga polaca, Wisla Cracovia, a les 15 hores.


Fonte: Calcao del blogue Fora de Joc-FC st Pauli

Entrevista, al siempre fiel Holger Stanislawski

Equí vos dexo una entrevista del diariu Hamburger-mor gen post al finxu que colare -nun esperéis muncho de la traducción-:

¿Alcuérdeste del to primer día nel club?
Foi a finales de xunu del 93. La primer sesión foi nel bosque de Bond con un chandal verde chillón.

Satni enguedeyáu nuna bronca como xugador

¿Qué impresión tuviesti?
Taba ñervosu enforma. Nun taba del too seguru entá de si yo taría a l'altor del trabayu.

¿Quién yeren los sos compañeros?
Dieter Schlindwein, Ari Hjelm y Joachim Philipkowski. Teníayos munchu respetu. Foi Philipkowski el que más me tranquilizó.

Nun fae tanto tiempu del so caberu día en Sankt Pauli...
Foi'l 1-8 escontra'l Bayern, esi foi'l final. ¡Fuera!

¿Un amargosu final?
Foi la mio pior derrota col St Pauli cola del 2002 escontra'l Lübeck (0-6)

Ensin embargu, la cellebrose la despidida...
Si, foi una montaña rusa d'emociones. A l'entamu nun taba seguru de si dar una vuelta'l campu, porque taba mui decepcionáu (pol partíu). Pero llueu, camente que tanto yo como los aficionaxs merecíemoslo. Agora, esi momentu quedarame pa siempre, enxamás lo escaeceré.

Despidida

¿A quién t'agradecíu de dir pa St Pauli?
No cabero por ún del HSV. Bernd Enge tuvo importancia, y depués el mio entrenador nel Concordia Hamburgo que diome les bases p'algamame nun profesional.

¿Y de los de marrón y blancu?
¡Corny Littmann! Foi el que tuvo enfotu en mi, y diome responsabilidaes depués de xugador coles nueves responsabilidaes. Foi un gran presidente, y llevó al club por el camín correctu.

¿Entá hai contactu con xente del St Pauli?
Sí, col xefe de comunicación Christian Bönig, el preparador Siggi Dous, el fisio Peter Ott o Fabina Boll. Falamos de semes en cuando, sobromanera pol SMS. Anguañu un poco menos porque andamos toos coles tiestes n'otros llaos. Pero siempre quedaré con esta xente.

Nun entrenamientu col Hoffenheim

¿Qué te paez cómo val equipu?
El xuegu yel que yá usábemos nosotros, ellos tan xugando bien.

¿El puestu en lliga?
Bien. El St Pauli nun sól otien uno de los cinco meyores presupuestos, sinon que no deportivo tan nos tres meyores. Xugadores como Boll, Bartels, Bruns, Kruse... tienen ganes de xubir. La probabilidá de qu'esti añu xúbase ye grande, porque ta yá fechu'l grupu d'equipos cimeros. Amás veo un paralelismu cola temporada de fae dos años.

Confirmáu. Heerwagen, paulí fasta final de temporada.

Como yá espublizaremos fae unos díes, el tercer porteru del Bochum, Philipp Heerwagen va tar cedíu nel FC Sankt Pauli fasta final de temporada.

Por otru llau, depués de cuntar que Florian Mohr va venir en branu, tamién suena'l so compañeru d'equipu Soren Gonther -defensa-.

13 ene 2012

Hennings cedíu fasta final de temporada al Osnabrück

El delanteru Rouwen Hennings que yá lleva abondes temporaes nel Sankt Pauli, va ser cedíu fasta final de temporada al Osnabrück de tercera división alemana pa que torne a coyer un bon estáu de forma, dempués de que se lesionare y participare con muncha irregularidá nos caberos meses.

Rouwen yá tuviere cedíu nel Osnabrück na temporada 07/08.

12 ene 2012

Takyi va tar na Copa d'África

Dempués de debutar fae unos meses cola seleición del so país en Francia, el xugador del Sankt Pauli va intentar algamar la victoria na Copa d'África pa Ghana.

Tolos seleicionaos son:


Porteros: Adam Kwarasey (Stromsgodset/NOR), Daniel Adjei (Liberty), Ernest Sowah (Berekum Chelsea)
Defenses: Samuel Inkoom (Dnipro/UKR), John Paintsil (Leicester/ENG), Daniel Opare (Standard de Lieja/BEL), Masawudu Alhassan (Génova/ITA), Lee Addy (Estrella Roja de Belgrado/SER), John Boye (Rennes/FRA), John Mensah (Lyon/FRA), Jonathan Mensah (Evian/FRA), Isaac Vorsah (Hoffenheim/GER)
Centrocampistes: Charles Takyi (Sankt Pauli/GER), Emmanuel Agyemang Badu (Udinese/ITA), Derek Boateng (Dnipro/UKR), Anthony Annan (Vitesse Arnhem/NED), Mohammed Abu (Stromsgodset/NOR), Kwadwo Asamoah (Udinese/ITA), Sulley Muntari (Inter de Milán/ITA), Andre Ayew (Marseille/FRA)
Atacantes: Prince Tagoe (Bursaspor/TUR), Asamoah Gyan (Al Ain/EAU), Jordan Ayew (Marsella/FRA).

Florian Mohr va ser nuevu xugador paulí de magar el branu


Florian Mohr, de 27 años, y consideráu ún de los meyores defenses de la segunda división alemana, fina'l so contratu col Paderborn esti prósimu mes de xunu, y como ye por llei nel fútbol, yá pue ser contratáu pa dempués del fin de lliga de baldre por otros clubes demientres sigui nel so actual club.

Mohr, ñació n'Hamburgo, lo cuál ye probable que fuere un puntu a favor del Sankt Pauli pa facese col xugador, que dexuru tenía más ufiertes. La so posición ye la de central.

Enantes xugó nel Werder Bremen y nel Concordia Hamburg -qu'anguño milita na Rexonal d'Hamburgo-

Philipp Heerwagen suena como refuerzu

Anque les intenciones del club son bastante propenses a nun facer incorporaciones nel "mercáu" d'iviernu, la lesión de Tschauner, y el rellativu pocu enfotu que Schubert pa col héroe del derbi del añu pasáu (Pliquett), fae esta vegada que se quiera trayer cedíu fasta final de temporada a Philipp Heerwagen, qu'actualmente yel tercer porteru -si, ¡terceru!- del VFL Bochum, que milita tamién na Bundesliga 2.



Esti porteru, formáu nes categories inferiores del SpVgg Unterhaching y dempués nes del Bayern de Munich, xugó'l so caberu partíu nel pasáu setiembre, nel que'l so equipu perdiera 1-3, y poro fuera sustituyíu pal siguiente alcuentru.

Con too ello, Pliquett dixo estes selmanes qu'atopase nun bon momentu de forma, y que ta preparáu pa ser el porteru titular si Schubert lo cree conveniente.

11 ene 2012

Fans Against Criminalisation

Equí vos dexo un interesante "artículu" -traducíu al asturianu- bien desplicativu d'un nuevu movimientu futboleru escoces qu'atopé nel foru de Señales de Humo (l'autor tenía por nomatu Trenti, y tien fecha de 28/12/2011):

"HINCHES ESCONTRA LA CRIMINALIZACIÓN

Nes caberes selmanes viénose xestando un interesante movimientu como refuga a un proyectu de llei, propulsado por files del oficialista SNP (Partíu Nacionalista Escoces), que plantega un recrudecimientu del control policial so la linea dura de les yá conocíes lleis anti-sectaries enfocaes al fútbol. En concretu a les hinchaes del Celtic y del Rangers. 

Hai que ser finu al filar nestes temes d'orixe cásique antropolóxicu sobro les diferencies qu'ente les comunidaes catolicas y protestantes xeneraron tanta violencia. Pero la represión y el control policial nunca nun fueron les rempuestes a los problemes sociales. La criminalización de la hinchada del Celtic per parte del gobiernu y los actores represivos pro-britanicos, cola pasividá de los partíos politicos mayoritarios y de gran parte de la sociedá escocesa llegó a un puntu d'ebullición tan altu que xeneró esti movimientu sol  nome de Fans Against Criminalisation (Hinches escontra la criminalización).

Polo que pudi tomar contactu, esti grupu que vien faciendo delles demostraciones nos partíos de llocal y visitante, pretende ampliar el tonu del discutiniu sobro la violencia y nun amenorgalo a que'l fútbol tien la culpia de too. Pretende ampliar el marxe de la charra que toa Escocia tendría de faese sobro l'odiu sectariu y l'odiu racial (especialmente'l anti-catolicismu). Ye un berru desesperáu al gobiernu por que dea p'atrás a la maquinaria represiva del estáu y esta nueva llei que como oxetivu principal tien el poder detener ensin mayor xustificación a cualaquier persona por entendese que viola l'estrictu reglamentu.

Los hinches plantegen dende una óptica descriminalizada apuntar escontra otros sitios onde consideren que l'abusu d'alcohol y l'odiu sectariu presenten mayor problemática. L'alderique sobre la violencia tendría d'ampliase a nivel nacional camienten los hinches. Criminalizar la pasión a un club, a unos colores, nun va iguar los problemes de fondu. Arrestando mozos nos estadios nun va traxer menos, que más problemes. Llamar a combatir el silenciu, convidar a los hinches a manifestar la so opinión y como miembros de la comunidá, esixen ser ascuchaos. Conviden a l'alderique a otres organizaciones sociales, esti ye una tema del que la comunidá escocesa toa tendrá d'encargase.

Dexo unos vídeos sobre la marcha convocada ayeri dende George Square nel centru de Glasgow fasta Celtic Park pal partíu que finó n'empate frente a los Hibs.

Gerald Asamoah ta de vuelta... nel Greuther Fürth

El internacional por Alemaña que na pasada temporada militó nel FC Sankt Pauli, Gerald Asamoah, depués de falase del so trespasu pa la MLS (lliga d'EEXX) fichó esti ayeri pol rival del Sankt Pauli nel ascensu a la Bundesliga Greuther Fürth.
Dambos equipos xugaran el 15 d'abril en casa del GF la vuelta de la Bundesliga 2.

El Wolfsburgo rampuña a unu de los talentos de la cantera paulí

Laukart señaláu en collorao

Laukart Aleksander ye probable que nun seya un nome que suene muncho a lxs aficionaxs del FC Sankt Pauli, y sobromanera pa los que cómo nós vivmos bien lloñe del barríu, pero Laukart foi fasta estos díes xugador del club d'Hamburgo.
Anque con namai que 13 años, Joachim Philikowski -responsable de cantera del Sankt Pauli- reconoz que Laukart ye un talentu del fútbol que cola d'Hamburgo.
Joachim nun ta d'alcuerdu -pol bien del rapaz- de la salida del xugador, defendiendo que les instalaciones del club son perriba tan bones como les del Wolsfburgo -equipu pa onde va Laukart-, y sobromanera que a esta edá nun ye bono separtar a neñu del so ámbitu.
Pola so parte, el padre del guah.e reconoz que ye un pasu complicáu, pero que quier facer lo posible pola felicidá del so fíu, y que si nun s'afaya nel nuevu club siempre podrá tornar a "casa". Si ye verdá qu'escoyó'l Wolfsburgo, teniendo varies ufiertes pola cercanía pa con Hamburgo, que ye namai que de 170 km.
Al ser menor de 15 años, los trespasos de rapaces son -como debe ser- de baldre. 

10 ene 2012

Comunicáu oficial (castellán) por Beste Bat

Los compañeros de Beste Bat (Euskadi), punxeron nel so blogue la traducción (automática) del comunicáu oficial del club polos disturbios, lo cuál agradecemos y compartimos:

http://www.myspace.com/bestebatstpauli/blog/545132848

Si un nazi vien a provocar a Sankt Pauli sabe lo qu'hai

Más o menos, esa foi la frase del Xefe de seguridá del Sankt Pauli en cuantes a los acontecimientos del pasáu vienres.

Continuando un poco les entraes anteriores, la prensa alemana y deportiva d'Europa entamen a cargar sobromanera escontra los hinches paulís de formes yá inaceptables con acusaciones pergraves.

Llegaos a esti puntu, el club portuariu defende a los sos hinches ante les provocaciones de los rivales, n'esti casu faciendo quedaes escontra d'ellos, y por si fuera poco con conseñes nazis, con too ello Sven Brux (Xefe de seguridá del St Pauli), faló de los prexucios de la policia d'Hamburgo pa contra los paulís, asina como del fechu de que si los nazis van por Sankt Pauli, ye normal qu'haiga problemes.
Sven anguañu(izquierda) / Sven nel 84 (derecha)

Fonte: Fora de Joc, Sport Bild, Welt.

Desplicación de lo asocedio na Scheinske Cup pol compañeru Biberkopf

Cómo yá sabréis los más puestos na estaya'l Sankt Pauli na Península ibérica, Fora de Joc ye un blogue de la Peña mallorquina de los pirates, que pol conocimientu del so miembru "Biberkopf" y pola so unión col barriu, de semes en cuandu la so visión de los temes qu'alrodien el club son meyores puntos de vista que los qu'otros podemos sacar "lleendo" los medios de comunicación qu'atopamos pela rede. Poro, va ser frecuente atopar n'esti blogue enllazos continuos al suyu, o noticies que tenga en parte fonte el blogue.

N'esti casu, ye bien cenciellu y fácile de pescanciar lo asocedio nel torneu de futbol-sala cuntándolo pasu por pasu: (testu en castellán)


(Hai que dicir que no último del artículu hai tamién un enllaz col comunicáu oficial del club n'alemán -dalgún traductor online podrá davos pistes-)

9 ene 2012

Los caberos 14 meses revueltos en Sankt Pauli

La prensa alemana remembra los casos asocedíos ente aficionaxs del FC Sankt Pauli nos caberos 14 meses, mentando un problema colos hinches:

3/12/2010: Un rapaz de 16 años avénta-y una bola nieve al xugador del FC Kaiserlaurtern Christian Tiffert demientres taba nuna entrevista. - Retirá del abonu.


1/4/2011: Hebo un aventamientu d'un vasu de cerveza al llinier del partíu escontra'l Schalke 04 Thorsten Schiffner. - Primer partíu al añu siguiente xugau a puerta zarrada.


23/9/2011: Otru vasu (esti vacíu) que vió'l árbitru. - Multa de 8.000€.


19/11/2011: Bengales nel partíu escontra'l Hansa Rostock. - Multa 8.000€.


19/12/2011: Golpeáu'l xugador del Eintracht Frankfurt, Pirmin Schwegler, con un rollu papel. - Entá nun hai castigu.



6/1/2012: Los disturbios nel tornéu de futbol-sala que fina canceláu.

Fonte: MZ-WEB.de

Lasse Sobiech yá entrena

El central paulí de namai que venti años, que se lesionare'l pasáu 23 de setiembre, por una rotura de lligamentos llaterales del todíu, tien pensao tornar a los entrenamientos col primer equipu nestes vacaciones d'iviernu que pasaran nel País Valencià. 

Lasse, que ta cedíu pol Borussia Dortmund, yá disputó 9 partíos col FC Sankt Pauli. Amás ye internacional sub-21 con Alemaña. 

7 ene 2012

Griesques y disturbios nel Tornéu Futbol-Sala

Los dueños de les cais.

El tornéu de "Halen" de futbol-sala ente equipos de fútbol alemán, que vien siendo vezu nos caberos descansos ivernales tuvo de ser sospendíu na so segunda xornada or incidentes ente les aficiones de Lübeck y St Pauli, y pola siguiente intervención de la policia.

Ayeri vienres, a eso de les 19 hores topábense na pista los equiposd e Lübeck y St Pauli, y tamién se topaben nes grades lxs aficionaxs qu'entamaron una griesca, qu'apaciguariase enforma al descansu, pero que continuó na segunda parte cola llegada de más de doscientos policies armaos con porres y sprays de pimienta, que finaren con 90 feridos -40 d'ellos por los sprays-, 39 feridos más, asina como sólo once policies tamién salieron ferios de los disturbios.

Hai 74 deteníos, curiosamente 72 son hinches paulistes, anque tamién tan involucraos hinches del Lübeck  -y atención- y del Hamburgo -Vaffanculo- SV (el tornéu cellébrase na ciudá d'Hamburgo). Esto da ciertes coses que pensar, como que pudo ser una encerrona pa los hinches paulistes.

Polo que correspuende al tornéu, la xornada de güei foi suspendida, pero ye probable que mañana torne a xugase les cornaes restantes.

Momentu la griesca.

Fontes: BZ -Noticies de Berlín-, The Local -Periódicu alemán n'inglés-

Sankt Pauli colos cinco cubanos

Na seronda del 2000 cinco cubanos en territoriu de los EE.XX. foron xulgaos -agarraos en 1998- y más tarde nel 2001 condergaos por ser supuestamente infiltraos n'EEXX de la intelixencia d'una nación foriata.

Estos cinco cubanos yeren infiltraos cubanos que vixilaben en Miami pa que nun hubiere atentaos terroristes d'esti núcleu pa col Pueblu cubanu.

  • Antonio Guerrero Rodríguez (Miami, 1958) Inxenieru en Construción d'Aeródromospoeta, dos fios, axente de la DXI. Sentenciáu a 22 años de prisión.
  • Fernando González Llort (La Habana, 1963), casáu, graduáu del Institutu de Rellaciones Internacionales (ISRI), del Ministeriu de Rellaciones Exteriores de Cuba y el Minint, axente de la DXI. Sentenciáu a 18 años de prisión.
  • Gerardo Hernández Nordelo (La Habana, 1965), casáu, graduáu del ISRI, caricaturista y axente de la DXI. Sentenciáu a dos cadenes perpetues más 15 años de prisión.
  • Ramón Labañino Salazar (La Habana, 1963), casáu, tres fies, graduáu de Llicenciatura n'Economía na Universidad de La Habana y axente de la DXI. Sentenciáu a 30 años de prisión.
  • René González Sehwerert (Chicago, 1956), casáu, dos fies, pilotu ya instructor de vuelu y axente de la DXI. Sentenciáu a 15 años de prisión, lliberáu a los 12, cumple 3 de probatoria, nos Estaos Xunios, a pesar de que yera la so voluntá tornar darréu a la so casa en Cuba.

Munchos foron los sitios del mundu n'onde seyos recuerda añu tres añu, como l'Asociación Nacional d'Amistá Italia-Cuba, o como non les grades de Millerntor, qu'amosaron una pancarta "llibertá pa los cinco cubanos", y qu'amás partieron peles grades pasquinos ente lxs asistentes al partíu nos que se desplicaba la inxusticia llevá a cabu polos EEXX, asina como los sos ataques a la Revolución Cubana añu tres añu, yá seya de la man de Bush, Obama... 


Grades de Millerntor cola pancarta de sofitu colos cinco.

Fonte: Futbol Rebelde y Televisión Camagüey.

FC Sankt Pauli nun tará solu n'Oliva (Pais Valencià)

Cómo yá anunciaremos va tiempu, el FC Sankt Pauli va pasar el fríu iviernu alemán en tierres valencianes, na llocalidá d'Oliva de 28.000 habitantes.

L'equipu va tar nel Hotel Oliva Nova Golf dende'l día 16 de xineru, fasta'l 24. Pero nun van tar solos. Nel mesmu hotel van tar varios equipos: AS Nancy (Francia - Ligue 1), KAA Gent (Bélxica - Primera división), Eintracht Braunschweig (Alemaña - Bundesliga 2), Wisła Kraków (Polonia - Primera División), FC Kuban Krasnodar (Rusia - Primera División) y Rosenborg (Noreuga - Primera División).


Instalaciones deportives del Oliva Nova

Nuevu blogue

Bones a toxs.
Esti blogue enllazáu col facebook “Peña Sankt Pauli Asturies” y col twitter @StPauliAsturies, tien les d’informar sobro l’actualidá del FC Sankt Pauli, asina como otros temes rellacionaos enforma col fútbol o los ideales que nun camuden al ritmu del fútbol modernu -que tien como bas les mesmes perres que’l sistema de mercaos- nel mesmu.
Los noticies que vais a atopar equí sedrán na so mayoría resúmenes, puntos de vista, o calcamientos d’otres noticies polo xeneral atopaes pela rede, cómo lleva faciéndose nel facebook de la peña dende cuantayá.